Яшь җырчы Марат Яруллин казанлыларны Бөек Җиңү бәйрәме белән котлады. Ул урамдагы өлкәннәргә канәфер чәчәге һәм тартмалы кәнфит өләшкән.
«Барчагызны да Җиңү бәйрәме белән тәбриклисе килә. Иң изге теләкләр! Баш очында аяз күк, якты кояш булсын! Кадерле өлкәннәребез, ветераннарыбызны котларга булдык», – дип сөйли ул социаль челтәрдәге сәхифәсенә куйган видеода.
Видеода күренгәнчә, җырчы әби-бабайларга күчтәнәч тапшыра һәм бәйрәм белән котлый. Өлкәннәрнең күңеле була, алар җырчыга да изге теләкләрен ирештерә.
Видеоны караучылар яшь җырчыны хуплаган, «олы кешегә күп кирәкми, иң мөһиме – игътибар» дип комментарий калдырганнар.