Марат Яруллин Телеграм-каналында үзенең тагын чирләп китүе хакында әйткән. Фотоларыннан аңлашылганча, җырчы хастаханә юлларын таптый.
«Авырып та ардым инде… Кичәдән бирле баш, борын авырта. Баш авыртуы шул хәтле көчле, бер нәрсә дә ярдәм итми. Гайморитка әверелде, ахыры. Концертларны күчермәскә дип уйлыйм, ничек булса да түзәрмен», – дигән җырчы.
Күпсанлы фанатлары җырчының тизрәк сәламәтләнүен теләп комментарийлар калдырганнар. «Кичә кәефең булмаганы сизелеп торды шул», «Үзеңне сакла! Без синең белән», «Табибка баруың әйбәт булган. Тизрәк сәламәтләнеп, безне чыгышларың белән сөендерүеңне теләп калабыз», – дигәннәр. Гайморитны дәвалау ысулларын язып калдыручылар да бар.
Фото: © Марат Яруллинның Телеграм-каналыннан