Марат Яруллин 90нчы еллар стилендә клип төшергән
Җыр «Син туеңа чакыр мине» дип атала.
Мәскәүдә яшәп иҗат итүче җырчы Марат Яруллин 90нчы еллар стилендә клип төшергән. Җыр «Син туеңа чакыр мине» дип атала. Клипта Маратның матур итеп киенеп, «копейка» машинасында туйга барганы сурәтләнә.
Әнвәр Нургалиев белән Алсу Әбелханова, сәхнәдәшләрен мактап, комментарий калдырганнар. Инстачылар да клипны ошаткан. Ләкин клип тәмамланмаган кебек тоела. Шуңа күрә «Туйның үзен дә күрәсе килә бит», «Клипның дәвамын көтәбез», — дип язучылар булган. Маратның ботинкасы да, кәчтүме дә, машинасы да виртуаль дусларының күңеленә хуш килгән. «Яшь чагыбызга алып кайтып килдең», — дип Маратка рәхмәт әйткәннәр.
