Аранжировкалаучы Марат Мухин тормыш иптәше, блогер Гөлия Вәлиәхмәтованы сагына. Гөлия Якутск шәһәренә сәяхәткә киткән. Көндәлек мәшәкатьләр үз өстенә калу сәбәпле, Марат хатынын бик нык юксынырга да өлгергән. Ул аңа социаль челтәрләр аша сәлам хаты юллый.
«Кибет… Май, ипи, сөт, молочка… Гөлия, кайт, синсез яшәү – яшәү түгел», – ди Мухин.
Гөлия Вәлиәхмәтова исә 42 градус салкында Якутск буйлап сәяхәт итә. Төгәлрәге, унбиш минут саен машинага кереп җылынып, шәһәрнең матур урыннарын карап йөри, базардагы сатучылар белән аралаша. Җирле халыкның шундый салкын шартларда яшәү рәвеше белән таныша.
