Марат Мухинның икенче хатыны Гөлия: «Үземнең даруханәм, киемнәр кибетем бар»
«Аерылган ир белән тормышны бәйләүдә проблема күрмим. Аерылышулар һәркемдә булырга мөмкин», - дип язган Гөлия Вәлиәхмәтова.
Аранжировкалар остасы Марат Мухинның тормыш иптәше Гөлия инстачыларның кызыклы сорауларына җавап бирде.
«Маратка кадәр кияүдә булган идегезме? Аерылган ир белән тормыш корырга ничек җөрьәт иттегез?» — дип сораучыга Гөлия болай җавап биргән:
«Юк, кияүдә булганым юк иде. Аерылган ир белән тормышны бәйләүдә проблема күрмим. Аерылышулар һәркемдә булырга мөмкин».
«Иремнең уңай сыйфатлары бик күп. Иң ошаганы - ул бик әйбәт, игътибарлы, кайгыртучан, мөлаем. Иң мөһиме - ул бик талантлы кеше.
«Нәрсә белән шөгыльләнәсез?» — дип кызыксынган бер инстачы.
«Минем даруханәм, киемнәр кибетем бар. Сәяхәт итәргә бик яратам!» — дип җавап биргән Гөлия.
