Кирәкле ингредиентлар: Камыр өчен: он – 500 г су яки сөт – 150 мл үсемлек мае – 50 г йомырка – 1–2 данә. Эчлек өчен: ит фаршы – 700 г бәрәңге – 500 г башлы суган – 300 г тәменчә тоз, борыч каймак яшел тәмләткечләр
Эш барышы: Сузылучан хәлгә килгәнче камыр басып, аны тастымал яисә плёнка белән 20 минут каплап тотабыз.
Башлы суганны вак итеп, бәрәңгене* шакмаклап турыйбыз. Ит фаршын суган һәм бәрәңге белән бутап, тоз, борыч сибәбез.
Камырны 2 яки 3 кисәккә бүлеп, аларның һәрберсен 1,5–2 мм калынлыгында җәябез. Якынча 8х8 см лы шакмаклар ясыйбыз. Һәрберсенең уртасына эчлек салабыз. Каршы якларны тоташтырабыз.
Мантоварка тәлинкәләрен яисә мультиварка табасын үсемлек мае белән майлыйбыз һәм аларга мантыларны урнаштырабыз. Парда 40 минут пешерәбез.
Әзер мантыны табынга каймак белән бирәбез.
*Бәрәңге урынына кабак та салырга мөмкин.
Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.
