Мандаринда файдалы кислоталар, витаминнар һәм минераллар бар. Мандарин — табигый антисептик. Кыш көне мандарин ашау аскорбин кислотасы бәрабәренә иммунитетны ныгыта, организмга витаминнар керә. Бу турыда Спутник сайтында язылган.
Салкын тигәндә мандарин кабыгыннан чәй эчсәң, йөткерү йомшара, җиңеләя. Температура да бераз төшә.
Мандарин мае стрессны бетерә, тынычландыра, йокыны яхшырта.
Мандаринда калорийлар да күп түгел, клетчатка белән пектин ашкайнату эшчәнлеген яхшырта.
Тик мандарин аллергия китереп чыгарырга да мөмкин. Аны өч яшьтән кечерәк балаларга бирмәү хәерле. Бала имезә торган хатыннар да саклык белән ашарга тиеш.
Мандарин составындагы аскорбинка ашказанының лайлалы тышчасын ярсытуы ихтимал. Кислоталылыгы югары булган, ашказаны җәрәхәтеннән интеккән, гастриты булган кешеләргә мандарин ашамау хәерле.
Гепатит, холецистит, нефрит булса да мандарин зыянлы, диелә хәбәрдә.
