Казан блогеры Илүзә Хөснетдиновадан мандаринлы пирог рецептын тәкъдим итәбез.
Бисквит өчен: 3 йомырка, 150 грамм шикәр комы, 100 грамм он, 10 грамм көпшәкләндергеч, 4 мандарин.
Барлык ингредиентларны бергә салып болгатырга, табага пергамент кәгазе җәяргә. Мандариннарны икегә бүләргә һәм киселгән ягы белән аска каратып табага тезәргә. Аннары өстенә әзер камырны агызырга.
Духовканы 180 градуска кадәр җылытырга һәм 25 минут пешерергә.
Аннары пирогны тәлинкәгә өстен аска әйләндерергә куярга, пергамент кәгазен алырга.
Бик тәмле һәм матур пирог булачак.
