Мамадышта канализация коесында 3 ир-ат мәете табылган. Бу турыда «Татар-информ» яза.
Фаҗига Такташ һәм Маннур урамнары чатында була. Якынча белешмә буенча, алар берсе артыннан берсе коега төшкән. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсендә хәбәр иттеләр.
«Янгын сүндерүчеләр килгәндә, канализация коесында (якынча мәгълүмат буенча, шәхси йортта) 3 ир-атның һәлак булуы ачыкланган. Алар, якынча белешмә буенча, бер-бер артлы төшкән», – диелә ведомство хәбәрендә.
Фаҗиганең сәбәпләре ачыклана.