Мамадыштагы бер авылга хәтерен югалткан ир-атны китереп ташлаганнар
Бу кеше исемен Альберт дип әйткән.
8 декабрьдә Мамадыш районының Олы Артыш авылында хәтерен югалткан ир-ат табылган. Бу турыда Нократ сайты хәбәр итте.
Хәтерен югалткан ир-атны тапкан кешеләр ГЛОНАСС системасы буенча дежур бүлекчәгә шалтыраткан. Урынга оператив төркем барган.
Бу кешене авылга билгесез кешеләр алып килгән һәм калдырып киткән, диелгән әлеге хәбәрдә. Ир-ат үзен Альберт дип кенә әйтә алган.
Хәзер бу эш белән тикшерүчеләр шөгыльләнә.
