Мамадыш районында ике балыкчы тереләй янып үлгән (видео)
Ирләр палатканы җылыту өчен газ миче һәм биш литрлы пропан баллоны кулланган.
Вандовка авылы янындагы янган палатканы аларның дуслары таба һәм МЧСка хәбәр итә, дип яза "Татар-информ". 
Ирләр балык тотарга кичә кич китәләр. Алар озак җавап бирмәгәч, танышлары эзләргә чыгып китә һәм янган палатканы күрә. Балыкчылар газ миче һәм пропан баллоны кулланган була. Полиция янгыннын ни сәбәпле чыкканын ачыклый.