Мамадыш кешесе эзсез югалган
6 декабрьдә иртүк колак аппараты сатып алырга чыгып киткән Мамадыш кешесе бүгенгә кадәр өенә әйләнеп кайтмаган.
Матбугат чаралары хәбәр иткәнчә, күршеләре 73 яшьлек Рәсүлә Камалованың таксига утырып Мамадыштан Чаллыга китүен сөйләгән. Бүгенге көнгә кадәр аның бер хәбәр-хәтәре дә юк, ди.
Рәсүлә апа тазарак кына гәүдәле, бераз бөкерәебрәк йөри. Буе 160 см чамасы, күзләре зәңгәр.
