Социаль челтәрләрдә шаккатмалы хәл төшерелгән бер видео таралды. Видеода көрт астында калган өйне кардан арындырырга җыеналар. Табигатьнең мондый галәмәт күренеше Мамадыш районы Берсут-Сукачы авылында булган.
Видеода күренгәнчә, кар көрте астында калган йортта яшәүчеләр артык сүз сөйләшмичә генә эшкә тотынган. Кар өстеннән йорт түбәсенә хәтле менеп җиткән хуҗа: «Сәлам әйт», – дип шаяртып ала.
