Мәҗлесләр алып баручы, җырчы Рамилә Хәйретдинова үзенчәлекле сыйфаты турында әйтте

Мәҗлесләр алып баручы, җырчы Рамилә Хәйретдинова үзенчәлекле сыйфаты турында социаль челтәрдәге сәхифәсендә хәбәр иткән.

«Үз-үзең белән сөйләшү – үзе бер рәхәт бит ул. Әллә ниләр сөйлисең, әйтерсең икенче кеше янында булган кебек… Эчеңне бушатасың. Рәхәт булып китә. Шундый үзенчәлекле сыйфатым бар минем», – дип яза ул.

«Без үзебезне «артистлар» дип атамыйбыз, чөнки гастрольләргә чыкмыйбыз, концерт куймыйбыз. Җомга, шимбә, якшәмбе көннәрендә генә эш кыза. Күбрәк алып баручылар буларак мәҗлесләрдә чыгыш ясыйбыз», – дип сөйләгән иде Рамилә Хәйретдинова интервьюларының берсендә.

Соңгы елларда иҗади гаилә дин юлына кереп китте. Яңа гына аларның өченче сабыйлары туды.