Малайзиядә пляжда 10 яшьлек малай мәете табылган. Аның кулы һәм башы булмаган. Бу турыда «Лента.ру» хәбәр итте.
Крокодил бу малайны дуслары каршында диңгезгә сөйрәп алып кереп киткән.
Фаҗига Сабах губернаторлыгында була. Балалар пляжда йөри, диңгездә су коеналар. Шул чакта бер малайга крокодил һөҗүм итә. Рептилия аны суга алып кереп киткәнен башка балалар күреп тора. Туганнары һәм күршеләре малайны эзли, тик таба алмыйлар.
Аннары малайның үги атасы полициягә мөрәҗәгать итә. Баланы эзләүгә полициядән 4 кеше кушыла. Алар бала мәетен фаҗига булган урыннан 600 метр ераклыкта таба. Малайның башы һәм кулы юк, диелә хәбәрдә.
