Хакасиядә әти кеше ит тураганда нәни улын күзсез калдырган. Бу турыда РЕН ТВ яза.
Әлеге хәл 2022 елның 19 октябрендә була. Быел 15 майда «Саксызлык аркасында сәламәтлеккә зур зыян китерү» маддәсе буенча җинаять эше ачыла.
Приисковое авылында 48 яшьлек ир-ат күп балалы гаиләсенә пешерер өчен ит әзерли. 7 яшьлек улы якында гына йөри. Әти кеше кичке аш пешермәкче була. Шул чакта пычак ватыла һәм аның кыйпылчыгы балага тия.
«Әти кеше итне пычак белән кисә. Тик аш-су коралы ватыла һәм кисәк кенә сына. Аның очлы кыйпылчыгы бала ягына таба очып китә, малайның сул күзенә керә», – дигән РЕН ТВ чыганагы.
Баланы хастаханәгә китерәләр. Яра бик җитди була, малайның сул күзен алырга туры килә, диелә хәбәрдә.