Россия Мәгариф министрлыгы мәктәпләрдә башлангыч белем алу дәвамлылыгын билгеләде. Бу турыда РИА Новости яза.
Министрлыкның тиешле документында язылганча, башлангыч гомуми белем алу срогы 4 елдан артмаска тиеш.
5 яки 6 көнлек уку атнасы булганда, 4 ел эчендә уку дәресләренең гомуми күләме 2966 академик сәгатьтән кимрәк һәм 3305 академик сәгатьтән күбрәк була алмый.
Индивидуаль уку планы буенча белем алучы балалар өчен уку дәвамлылыгы кимрәк булырга мөмкин.
3 еллык белем бирү вакытында уку йөкләнешен СанПиН нормалары һәм кагыйдәләре буенча тигезләп бүлергә кирәк, диелә хәбәрдә.