Россия Мәгариф министрлыгы мәктәпләрдә укучыларның телефонын җыеп алып куярга киңәш итте. Бу турыда РЕН ТВ яза.
Класска керер алдыннан бөтен укучылар да телефоннарын тапшырырга тиеш була. Россия Мәгариф министрлыгы әлеге киңәшне барлык мәктәпләргә дә җибәрергә җыена. Министрлык башлыгы Сергей Кравцов шул хакта сөйләгән.
Аның сүзләренчә, майда Мәгариф министрлыгы бөтен төбәкләргә дә киңәшләр исемлеге җибәрәчәк. Алар арасында дәрестә смартфон куюны тыю да була. Бу чикләүне кертү-кертмәү карарын мәктәпләр үзләре кабул итәчәк.
«Мобиль телефоннар дәрестә баланың игътибарын алмасын өчен, мәктәпкә кергәндә, яки класска кергәндә тапшырырга киңәш итәбез. Уку процессында укытучы кушкан очракта гына куллану мөмкин», – дигән Кравцов «Сила – в правде» форумында.
