Мәскәү өлкәсенең Красноармейск шәһәрендә мәктәп укучылары «Tik-Tok» трендларындагы Кытай снекларын ашап караганнан соң хастаханәгә эләккән. Бу хакта «Mash» Телеграм-каналы хәбәр итә.
Телеграм-канал мәгълүматлары буенча, 11 яшьлек балалар – 5 кыз һәм 1 малай агуланган, аларны хастаханәгә китергәннәр.
Классташларының берсе соя итеннән ясалган Латяо таякчыклары алып килгән һәм шуның белән дусларын сыйлаган. Укучыларның нинди хәлдә булуы турында мәгълүмат юк.