Мәктәп каникулларының 2025-2026 елга расписаниесе билгеле булды. Көзге каникуллар инде октябрьдә башланачак. Бу турыда «Челнинские известия» хәбәр итте.
2025/2026 уку елында Россия Мәгариф министрлыгы каникуллар өчен түбәндәге даталарны тәкъдим итә:
- көзге каникуллар – 2025 елның 25 октябреннән 2 ноябренә кадәр;
- кышкы каникуллар – 2025 елның 31 декабреннән 2026 елның 11 гыйнварына кадәр;
- язгы каникуллар – 2026 елның 28 мартыннан 5 апреленә кадәр;
- җәйге каникуллар – 2026 елның 27 маеннан 31 августына кадәр.
1 нче сыйныф укучылары өчен өстәмә каникулны 2026 елның 16-22 февралендә үткәрергә тәкъдим ителә.
Уку елы 2025 елның 1 сентябреннән 2026 елның 26 маена кадәр дәвам итәчәк. 9 нчы һәм 11 нче сыйныфлар өчен уку елы тәмамлану вакыты Дәүләт йомгаклау аттестациясе расписаниесенә туры китереп билгеләнә.
Төбәкләрдә һәм мәктәпләрдә каникулларның төгәл даталары үзгәрергә мөмкин, диелә хәбәрдә.