МакSим яңа егет белән Алтайга киткән дигән хәбәр дөресме?

"СтарХит" сайтында җырчының яңа романы турында хәбәр чыкты. "Җырчы сәламәтлеген яхшырту өчен Алтайга китеп барган. Журналистлар аның бу якларга ялгызы гына түгел, ә яңа егет белән баруын ачыклаган. Бу кеше Олег исемле һәм шоу-бизнестан бик ерак тора. Алар биш йолдызлы кунакханәдә тукталган. Якында гына таулар һәм кедр урманы үсә", - диелгән әлеге хәбәрдә.

"Анда берничә ел элек барган идем. Бу тауларны башка бер тау белән дә чагыштырып булмый. Гаҗәеп матурлык. Сагынам. Гомумән, Россия буйлап сәяхәт итәргә яратам. Актив, хәтта экстремаль ял яратам", - дип сөйләгән булган җырчы бер интервьюда.

• Татарстан кызы Марина Максимова сәхнәдә МакSим исеме белән чыгыш ясый. 35 яшьлек артистның ике кызы бар. Тугыз яшьлек Александра һәм өч яшьлек Марияне ул үзе генә тәрбияли. Күптән түгел генә МакSимның җитди авырып, сәхнәдән китүе билгеле булган иде.

МакSим үзе инстаграмда бу гайбәтләргә нокта куйды. Җырчы бернинди дә романнары булмавын әйтә. "Гайбәтләргә ышанмагыз, минем шәхси тормышымда берничә ел даимилек хөкем сөрә", - дигән ул.

Певица МакSим опровергла слухи о новом романе. Недавно в СМИ появилась информация о том, что МакSим "нашла новую любовь" и "отдыхает с со своим новым возлюбленным на Алтае". Но певица заявила, что никаких новых романов у нее нет. "Не верьте слухам", - подчеркнула МакSим, - "в моей личной жизни уже несколько лет царит постоянство".

Публикация от МакSим (@maksim.music.ru) 31 Авг 2018 в 3:03 PDT