«Авылга кайтып керүгә тәрәз төбендә үсеп утыра торган суган кыякларын күреп, суган тәкәсе ашыйсы килеп китте, тансыкка тәмле бит ул. Майда яки мичтә пешерсәң дә була», – дип кызыктырган Гөлүсә Рәхмәтуллина «ВКонтакте»дагы битендә.
Камыр өчен: 1 стакан су, 1 стакан сөт, 1 бал кашыгы тоз, 1 аш кашыгы шикәр комы, 3-4 кашык май, 1 кап коры чүпрә, он.
Камырны ясап, кимендә 1 сәгать күпертергә кирәк. Әче камыр тәмле була!
Эчлек өчен: 5-6 йомырка, суган кыягы (күбрәк салыгыз), 5-6 кашык сыер мае.
Суган тәкәсен ясап, ике ягын да майда кыздырып алырга.
