Табиб һәм телевидение алып баручысы Александр Мясников «Россия 1» каналы эфирында махмырдан — постинтоксикацион халәттән — котылу ысуллары турында сөйләде. Бу турыда РИА Новости яза.
«Махмырга җиткермәскә кирәк — бу сез эшли алырдай бердәнбер ысул. Махмырдан котылу өчен бер тылсымлы ысул да юк», — ди табиб.
Аның сүзләренчә, махмырдан кеше үләргә мөмкин. Мәсәлән, өлкән яшьтәгеләр бигрәк тә.
Канда алкоголь күләме кимегәч, кешенең хәле китә, ди Мясников. Мондый халәт делирий — үлем ихтималы 30 процент булган халәт барлыкка китерә, ди ул.
Белгеч әйтүенчә, күп итеп алкоголь куллану кандагы электролитлар чыгып бетүгә китерә. Аларның микъдарын торгызу гына бәйрәмнән соң киләсе иртәдә авырмауга гарантия булмый, диелә хәбәрдә.