Магнитогорскидагы йорт хәрәбәләре астында булырга мөмкин кешеләрнең исемлеге билгеле

Гадәттән тыш хәлләр һәм гражданнар оборонасы министрлыгы Магнитогорскидагы күп катлы йортның җимерелгән подъездында теркәлгән һәм элемтәгә чыкмаган кешеләр исемлеген чыгарды. 

Исемлектә 35 кеше бар. Эзләәнүчеләрнең кайберләре: Тинибаева Нелля Николаевна, Сәгадатов Илмир Иштимерович, Шәрифуллина Людмила Леонидовна, Валеева Сания Лябибовна.

Тулы исемлекне МЧС сайтында укырга мөмкин. Министрлык бу исемлектәге кешеләр турында мәгълүматлары булган кешеләрнең 8-800-775-17-17 номеры буенча шалтыратуларын сорый.

Чиләбе өлкәсе губернаторы Борис Дубровский хәрәбәләр астында 7 бала булырга мөмкин дигән иде. Аларның иксе бер яшьлек, берсе яше дә тулмаган бала. 

Бүген Магниторскида газ шартлау сәбәпле күп катлы йортның бер подъезды җимерелде. Чиләбегә Россия Президенты Владимир Путин да килде.