Магнитогорскида торак йортта булган шартлауда исән калган баланы хастаханәдән чыгардылар
Табиблар сабыйны яхшы тернәкләнә һәм тулысынча сәламәт булачак дип белдерә.
Магнитогорскида шартлаган йорт хәрәбәләре астыннан исән килеш табылган Ваня Фокинны бүген Мәскәүдәге балалар хирургиясе һәм травматологиясе фәнни-эзләнү институтыннын чыгардылар. Бу хакта РИА Новостига сылтама белән "АиФ" газетасы яза.
НИИ президенты Леонид Рошаль, сабыйны мондый халәттә күрә алуны бәхет, диде.
"Аның чын, сәламәт, көчле кеше булып үсәчәгенә өметләнәбез", - диде Рошаль.
Шушы көннәрдә бер яшен тутырачак Ваняга махсус реабилитация таләп ителми дип белдерде табиблар. Малайның сөякләре ялганган һәм ул яхшы тернәкләнеп килә.
31 декабрьдә газ шартлау нәтиҗәсендә 39 кеше һәлак булды. Шартлау бер подъезды тулысынча җимерде. Фаҗига көнкүреш газ шартлау сәбәпле килеп чыкты.
11 айлык Ваняны хәрабәләр астыннан табып алдылар. Ул көчле салкында 30 сәгатьтән артык яткан. Гыйнвар уртасында сабыйны реанимациядән гадәти палатага күчерделәр. Табиблар баланың аягын саклап кала алды.