Маффин (рецепт)
Минзәләдә яшәүче Тәския Вәгыйзовадан маффин рецептын тәкъдим итәбез. Маффинның ватаны - Англия. Аны күпләр кекска охшаган дип ялгыша, маффинның камыры тыгыз һәм авыррак була.
Камыр өчен:150 грамм шикәр комы,150 грамм маргарин яки ак май, 1 кап ванилин, 3 йомырка, чама белән он.
Камыр куе каймак кебек булырга тиеш. Махсус формаларга салып өсте килгәнче мичтә пешерергә.
Маффиннар суынгач, өстен теләгәнчә бизи аласыз.
