видеодан скриншот
Краснодар краенда коточкыч авариядә җиңел машина уртлай диярлек өзелгән, 4 кеше һәлак булган. Бу турыда Краснодар крае буенча Эчке эшләр министрлыгына сылтама белән https://kazanfirst.ru хәбәр итә.
Фаҗига М4 «Дон» трассасында Туапсе районында була.
Якынча белешмә буенча, «Лада» йөртүчесе идарәсен югалта, машина каршы як полосага чыгып китә һәм MAN йөк машинасына бәрелә. Аннары җиңел машина юл кырыендагы коймага бәрелә һәм берничә кисәккә өзелә.
Авариядә 4 кеше – җиңел машина йөртүчесе һәм аның 3 пассажиры үлә. Тагын 1 пассажир имгәнгән, аны хастаханәгә китергәннәр, диелә хәбәрдә.
