М2 трассасында берьюлы иллеләп машина бәрелешкән - видео
Мәскәү өлкәсендә бураннар котыра.
26 гыйнварда М2 «Кырым» трассасында Мәскәү өлкәсендә берьюлы берничә авария була. Шулай итеп берьюлы иллеләп машина җимерелә. Бу урыда ТАСС агентлыгы хәбәр итте.
ЮХИДИ хезмәткәрләре трассаның 4 нчедән башлап 59 нчы километрына кадәрге аралыкта аварияләр терки. Өч кеше имгәнә, диелгән әлеге хәбәрдә.
Авариядә җиңел автомобильләр дә, йөк машиналары да була.
Синоптиклар кисәткәнчә, Мәскәү өлкәсендә бураннар котыра. Бу көннәрдә Мәскәүдә ярты метрга кадәр биеклектә кар көртләре барлыкка килергә мөмкин.
