«Мөәзин булып кайттың мәллә?» — Раяз Фасыйхов мәчет ачылышында катнашкан
Җырчы Арча районы Курса авылында мәчет ачылышында төшкән фото куйган.
Җырчы Раяз Фасыйхов яңа мәчет янында төшкән фото куйган.
«Дустым Илһамның тырышлыгы нәтиҗәсе. Арча районы, Югары Курса авылында төзелгән мәчет дустымның әтисе Илдус исемен йөртәчәк», — дип язган җырчы.
Җырчының виртуаль дуслары мәчетнең матурлыгын һәм төзүчеләрнең тырышлыгын бәяләгән.
«Бик матур мәчет. Иман нуры таратсын Курсави оныклары», — дип язган шагыйрә Сания Гарәбә.
«Мөәзин булып кайттың мәллә?» — дип кызыксынган җырчының виртуаль дусты.
