Мәзәкләр: «Ашыгыч ярдәм никадәр соңрак килсә, диагноз шулкадәр төгәлрәк була...»
Корпоративка барлык хатын-кызлар матур итеп киенеп, бизәнеп килгәннәр, ә ирләр — гадәттәгечә. Моннан нәтиҗә ясарга була — ир-атлар һәрвакыт пөхтә һәм матур.
● ● ●
— Әгәр халык кинәт кенә тәмәке тартуын ташласа, хөкүмәт нишләр иде?
— Аракыга акциз күтәрер…
— Әгәр дә аракы эчүне дә ташласа?
— Сәламәт яшәү рәвешенә салым салыр иде…
● ● ●
— Әти, машинамның тәгәрмәче тынын җибәрде…
— Ә син нигә миңа шалтыратасың? Ирең бар бит, шуңа шалтырат!
— Шалтыраттым, телефонын алмый…
— Запастагысы бардыр бит?
— Аңа да шалтыраттым, ул да җавап бирми…
● ● ●
— Җәяү йөрү сәламәтлеккә файдалы.
— Алай булгач, нигә машина сатып алдың?
— Җәяү йөри торган җиргә барып җитү өчен.
● ● ●
Мин менә нәрсә уйладым әле. Дикторлар, ИГИЛ турында сөйләгәндә, һәрвакыт өстәп, Россия җирлегендә тыелган, дип әйтәләр. Ә ришвәт турында сүз чыкса, бернәрсә дә өстәмиләр. Бәлки, бөтен эш-хикмәт шундадыр?
● ● ●
Табибларга һәм укытучыларга бүләк алуны тыйдылар. Аллага шөкер, ниһаять, илдә ришвәтчелеккә чик куелачак.
● ● ●
— Бабай, ни өчен армиядә портянкаларны куллану тыелган?
— Улым, хәзерге заман призывнигы өчен бу нәрсә артык катлаулы гамәл…
● ● ●
Корпоративка барлык хатын-кызлар матур итеп киенеп, бизәнеп килгәннәр, ә ирләр — гадәттәгечә. Моннан нәтиҗә ясарга була — ир-атлар һәрвакыт пөхтә һәм матур.
● ● ●
Үзеңә исән чакта һәйкәл куйсаң, аны исән чагыңда ук җимереп ату ихтималы күпкә артачак.
● ● ●
Түрә тендер откан фирмага килә дә:
— Нигә сез акчаны урладыгыз, ә юлны салмагансыз?
— Әти, җитәр инде кыланырга.
● ● ●
Кызларның — сезнең каршыга, ә кайчагында артыгыздан йөгергәнен дә телисезме? Сезне теләсә нинди һава шартларында түземсезлек белән көткәннәрен телисезме?
АТП автобус йөртүчеләрне эшкә чакыра!
● ● ●
Чынлыкта 2021 ел бигүк начар булмады. Тиздән сез моңа үзегез дә ышанырсыз.
● ● ●
— Апчихи!
— Сәламәт бул!
— Апчихи!
— Күрәм, син мине беренче мәртәбәсендә аңламадың бугай!
● ● ●
— Сез шундый зифа. Диетадамы?
— Зарплатада.
● ● ●
Табиб авыруны тынычландыра:
— Дулкынланмагыз. Сезгә бернинди дә куркыныч янамый. Мин үзем дә сезнеке кебек чир белән авырдым.
— Ләкин бит сезнең табибыгыз икенче булган…
● ● ●
Хатын- кыз чәчтарашта:
— Мин башымны тәртипкә китерергә телим!
— О-о, бу мәсьәлә белән сез психиатрга барыгыз.
● ● ●
Институтта имтихан биргәндә:
— Сезнең җавап — «дүртле»лек.
— Профессор, ләкин мин «бишле» өчен түләдем.
— Инфляция, җанкисәгем.
● ● ●
Автосервиста:
— Двигательдә ят тавышлар ишетмәдегезмени?
— Юк, мин бүген беренче мәртәбә хатынсыз килдем.
● ● ●
Ике түрә:
— Мондый платин сәгать кайдан алдың?
— Коррупционда.
● ● ●
Берәү цирк директоры янына килеп керә:
— Минем сезнең өчен программам бар, өйрәтелгән хайваннар. Бегемот фортепьянода уйный, жираф җырлый!
— Чынмы?! Күрсәтегез хәзер үк!
Бегемотны кертәләр, рояль китерәләр. Бегемот утыра да уйнап җибәрә. Янына жираф килеп баса да җырлый башлый.
— Менә сиңа мә! Бу бит искиткеч! Килешүне төзибез! Дөньяның иң шәп циркларында — гастрольләр! Ә шулай да әйтегезче, сез моны ничек эшлисез?!
— Моның сере бик гади. Иске фокус! Эш шунда ки, бегемот үзе уйный да, җырлый да. Ә жираф авызын гына селкетеп тора.
● ● ●
— Доктор, мин бәдрәфкә йөри алмыйм.
— Иң мөһиме — күңелегезне төшермәгез! Бәдрәфкә йөри алмасагыз, театрга, күргәзмәләргә йөрегез…
● ● ●
— Доктор, миндә импотенция!
— Керосин эчегез!
— Ярдәм итәр дип уйлыйсызмы?
— Җанкисәгем, ул бит самолётлар күтәрә!
Юкка әйтмәсләр
Әгәр дә кеше иртән йөгерергә теләми икән, аны бернәрсә дә туктата алмый.
● ● ●
Гөнаһ ияләре көзге шикелле — аларда бездә яшеренеп утырган начар эшләр чагыла.
● ● ●
Җәмгыятьтә эшсезлек арткан саен, яңа дәүләт бәйрәмнәре барлыкка килә тора.
● ● ●
Җүләр — ахмак сүзләр сөйләгән кеше түгел, ә моны үзе сизмәгән кеше.
● ● ●
Яманат яулау өчен чибәр һәм аралашучан булу җитә — калганын кешеләр уйлап чыгарыр һәм башкаларга сөйләр.
● ● ●
Сәясәтчеләр үзләре өчен нотык яза белмиләр, ә кайчагында укый да алмыйлар.
● ● ●
Тормышта уңышка ирешү өчен ахмак булу гына җитми, тәрбияле дә булырга кирәк.
● ● ●
Кайчагында очып китәр өчен бераз артка чигенергә кирәк.
Гиппократ шаяртулары
● Медиклар фикеренчә, безнең юллар шифалы: бүсерне дә урынына кертә, бөердәге ташларны да чыгара!
● Авыру табибның каравына мохтаҗ, һәм ул никадәр ерактанрак караса, шулкадәр яхшырак…
● Ашыгыч ярдәм никадәр соңрак килсә, диагноз шулкадәр төгәлрәк була…
● Тарих фәнендәге «безнең эрага кадәр» төшенчәсе белән пандемия башлануга кадәр вакытны билгеләргә вакыт җиткәндер…
● Дөньяда яңа авыру төре барлыкка килде: симптомсыз авырулар. Элек бу «сәламәт булу» дип атала иде.
«Чаян» журналының 2022 елгы февраль санынна алынды.