Мәзәкләр: 23 август чыгарылышы
Күп катлы йортта белдерү. «Ремонт бару сәбәпле, йортта бер атна буе кайнар су булмый. Сезгә бик авыр булмасын өчен күрше йортның суын да өзеп куя алабыз».
Бүре, төлке һәм дуңгыз чокырга егылып төшәләр.
Төлке дуңгызга карый:
— Ит бар, ничек булса да берничә көнгә чыдарбыз, аннары казып булса да чыгарбыз.
Бүре дуңгызга карый:
— Ит бар…
Аннары төлкегә карый:
— Кыз да бар… Яшәп була!
Дуңгыз икесенә дә карый:
— Миңа монда бернинди шанс та юк инде. Җырласам гына үләр алдыннан...
— Әйдә, җырла, — ди бүре белән төлке.
Дуңгыз чинап җибәрә. Аучылар, аны ишетеп алып, йөгереп киләләр, бүре белән төлкене аталар. Яраланган бүрене чокырдан чыгаралар, ә бу уйлый: «Ит тә бар иде, кыз да бар иде. Юк бит, шул гына җитми — шоу кирәк булган аңа!»
***
Вәли белән Гали Мәскәүдәге кунакханәгә туктала. Тәүлегенә 5 мең сум дип күрсәтелгәч, болар кыйбатсына, алай да бер тапкырга ярар дип уйлыйлар. Иртән китмәкче булсалар, ресепшндагы егет Вәлигә 45 мең сумлык счет күрсәтә.
— Ничек? 5 мең генә иде бит!
— 5 мең ул йоклау гына. Безнең монда сауна бар, бассейн, массажист, косметолог… Ә төнлә монда эстрада җырчылары концерт куйды.
— Без бит аларның җырлаганын ишетмәдек тә! Саунага бармадык, бассейнга кермәдек…
— Кермәсәгез соң. Керә ала идегез. Анысы сезнең проблема. Түләргә кирәк булачак.
Галия килә дә ресепшндагы егеткә 5 мең бирә. Егет:
— Тагын 40 мең кирәк.
— Беләм, әмма ул сумманы мин тотып калдым. Минем белән бер төн куну 40 мең тора.
— Туташ, мин сезне беренче тапкыр күрәм. Мин сезнең янга кермәдем.
— Кермәсәгез соң. Керә ала идегез. Анысы сезнең проблема. Мин төн буе сезнең кунакханәдә булдым. Керергә иде.
***
Хатын:
— Мин ирем белән тату яшим. Бөтен сере шунда — мин персональ гороскоп каналына язылдым. Көн саен гороскоп килә, мин шуннан иремнең кайчан ачулы икәненә кадәр белеп торам да алдан әзер булам.
Ире:
— Мин хатын белән тату яшим. Бөтен сере шунда — гороскопка ышанганын белгәч, Интернетта үземне гороскоп төзүче булып таныштырдым да, көн саен гороскоп җибәреп барам.
***
Галия — Вәлигә:
— Вәли, безнең өйләнешүебезнең юбилее бит. Әйдә, тавыкны суй, бәйрәм итәбез!
— Тавыкның ни гаебе бар? Галине суярга кирәк, ул бит безне таныштырды.
***
Вәли хатыны һәм әбисе белән яши. Болар берзаман белеп алалар — йокларга яткач, әбиләре ачкыч тишегеннән карый икән. Болар сөйләшә дә, әбигә әйтергә кирәк дигән карарга килә. Кияү — әбисенә, уңайсызланып кына:
— Әби, без йокларга яткач, ачкыч тишегеннән карау әдәпсезлек инде…
— Тагын нәрсә? Ә сезнең анда миңа күрсәткәннәрегез бик оятлымы әллә?
***
Түшәктә салкын хатыннар булмый. Шырпылары юешләнгән ирләр генә була.
***
— Һәр кешенең икенче яртысы булырга тиеш!
— Әйе шул. Ансыз яшәп булмый. Беренче яртыңның я башы авырта, я арган. Икенче яртың булмаса, яшәп булмый.
***
Вәли өенә кайта:
— Галия, киен, театрга барабыз!
— Ә, мин ишеткән идем, Зур театр килә дип. Зур театрга барабыздыр бит?
— Зур-зур, курыкма, сыясың.
***
Вәли мулла янына килә:
— Алладан нәрсәләр сорарга ярый?
— Алладан барысын да сорарга ярый.
— Ә бөтен нәрсәң дә булгач, нәрсә сорарга?
— Анда инде ярлыкауны сорарга кирәк була.
***
Ир арып кайта.
— Иркәм, бүген нәрсә әзерләдең миңа?
Хатыны урындыкка менеп баса:
— Бүген мин шигырь әзерләдем!
***
Вәлинең хатыны бала табарга тиеш, шуңа икесе дә бик куркалар. Бер көнне Вәли куанып уяна.
— Төшемдә Хозыр Ильясны күрдем. Аңа ялындым — хатыным бала тапканда, ярты авыруын баланың әтисенә бир, дидем. Ярар, диде.
Вәлинең хатыны кич роддомга китә. Төнлә баланы таба, иртән сөенечле хәбәрне әйтергә дип Вәлигә шалтырата:
— Вәли, ничек йокладың, кадерлем?
— Әйбәт йокламадым. Күрше Гали йокларга комачаулады — чәнечкән дуңгыз кебек төн буе чинап чыкты.