Мәзәкләр: 21 август чыгарылышы
Макияжга карап кына фикер йөртмәгез - ул искиткеч матурлыкны яшерергә дә мөмкин.
Бер хатын кибеткә бара. Кибет ишеге төбендә бер ир ята. Карый — әйбәт кенә кебек күренә. Бу яшәп булырлык кебек. Сәгатенә караса — биш минуттан кибет ябыла. Ир дә кызганыч, кибет тә ябыла. Кибеткә генә кереп чыгам да, үзем белән алырмын дип уйлый бу.
— Ипи алып чыкса — ирдән җилләр искән! Хатын кулындагы ипигә карый:
— И Ходаем! Гомеремдә ашау күрмәгән кеше кебек кыланам бит.
***
Белоруссия. Бер ир эштән өенә кайтып бара, аек, тәртип бозмый… Милиция килеп туктый, ОМОНнар чыга да моны дөмбәсли башлыйлар. Ир акыра:
— Тимәгез, мин Лукашенко өчен тавыш бирдем!
— Әкият сатма, Лукашенкога беркем дә тавыш бирмәде!
***
— Нигә Белоруссиядә Украинадагы кебек автомобиль шиннары яндырмыйлар?
— БелАЗ шиннарын яндыра башласалар ни буласын күз алдыңа китереп кара!
***
Безнең депутатлар шундый: берәрсе сишәмбе көнне таеп егылып кулын сындырса, юлдагы бозлавыкка каршы түгел, сишәмбе көннәренә каршы көрәшә башлыйлар.
***
Утыз ел элек мин 2020 елда кешеләр Марс белән Венерага оча башлар дип көткән идем. 2020 ел җитте, без Марска түгел, Кипр белән Болгариягә дә бара алмыйбыз әле монда.
***
— Мин синең белән разведкага барыр идем.
— Барыр идең, име? Мин бик шат.
— Баруын барыр идем. Әмма менә синең кебек кабахәт белән разведкага барсам, кире кайта алуым икеле.
***
Пессимист иңбашына капланып елый. Ә оптимист декольтега капланырга тырыша.
***
Акчаны ничек туздырганыңны әйтсәң, мин аны ничек тапканыңны әйтеп бирәчәкмен.
***
Бер хатын кибеттәге чиратта кычкыра:
— Саграк кыланыгыз әле! Мин авырлы.
— Гафу итегез, күрмәдем. Бигрәк яшь күренәсез.
— Әйе, миңа 25 кенә әле, ә бу инде минем бишенче балам.
— Һәм сез безгә сак кыланырга кушасызмы?
***
Депутат янына авыл халкы килә.
— Сыерларыбыз үлә, ниндидер чир чыккан бугай.
— Абзарларыгызны яшел төскә буягыз!
Бераздан авыл халкы тагын килә.
— Яшел төскә куяп карадык, барыбер үләләр.
— Ә сез абзарларга сап-сары кояш рәсемнәре ясап карагыз.
Авыл халкы гаҗәпләнә, әмма кайтып китәләр. Бераздан тагын киләләр.
— Сыерлар үлә!
— Бик мөһим чаралар кабул итәргә вакыт җиткән, димәк. Ишеккә ак квадрат ясагыз!
Авыл халкы тагын килә.
— Иптәш депутат, сыерларыбыз үлеп бетте.
— Кызганыч, минем әле әллә никадәр яхшы идеяләрем бар иде.
***
Аптекада.
— Мин сезгә әйтеп торам, мышьяк сатып алыр өчен рецепт кирәк! Тещагызның фотографиясе генә җитми!
***
Күбәләкне күргәч, карап хозурланасың. Ә тараканны күрүгә үк шырт итеп сытасың. Һәм әле шуннан соң да кешеләр «тышкы кыяфәт мөһим түгел» дип ышандырырга тырыша.
***
Гаиләдә мөнәсәбәтләр катлаулы, ир белән хатын бер-берсенә суына… Хатын — иренә:
— Бәлки безгә тормышыбызны төрлеләндереп караргадыр?
— Файдасы юк дип беләм, мин инде берничә тапкыр төрлеләндереп карадым.
***
Бүген мине автобустан чыгарып атарга теләделәр.
— Каян беләсең?
— Чөнки чыгарып аттылар.
— Ә нигә алайса теләделәр дисең?
— Теләмәгән булсалар, атмаслар иде.
***
Яшь гаилә. Хатын иренә әйтә:
— Мин балык һәм торт кына әзерли беләм, ачуланма инде.
— Юк, ачуланмыйм, өйрәнерсең әле. Менә бу юлы гына әйтче — тәлинкәдә тортмы бу, балыкмы?
***
Авыру аңына килә. Доктор:
— Котлыйбыз! Сез хәзер хатын-кыз!
— Ничек?! Сез минем сукыр эчәкне генә кисәргә тиеш идегез бит!
— Сез хатын-кызларга ярап бетеп булмас инде ул.
***
Гаҗәп инде бу кызлар. Йөзләгән иннек арасыннан яхшысын начарыннан аера алалар, ә кабахәт ирне яхшысыннан аера алмыйлар.