Мөслимдә куркыныч автоһәлакәт: бәрелгәннән соң автомобиль янып беткән
29нчы декабрьдә төнге 23.00 сәгатьтә Мөслимнең Урожай урамында юл-транспорт һәлакәте булды.
«Лада-Калина» машинасы, каршы як полосага чыгып, 14нче модельле ВАЗга килеп бәрелә. Авария нәтиҗәсендә, автомобильгә ут каба һәм машина тулысынча янып бетә.
«Калина» шоферы вакыйга булган урынны ташлап кача. ДАИ хезмәткәрләре аны икенче көнне генә тоткарлый алалар.
Вакыйга булган урында шаһитлар автомобильнең янганын видеога төшереп алган.
Тикшерү эше бара.
