Мөслимдә ике балалы хатын, пистолеттан атып, кибет кассасын талаган
Хатын үзенең бу гамәлен акча җитмәү белән аңлаткан.
Мөслим районының Михайловка авылындагы кибеттә 32 яшьлек хатын-кыз пистолет белән куркытып, кассадан 24 мең сум акча алып чыгып киткән.
Пневматик коралдан әлеге хатын берничә мәртәбә аткан. Бәхеткә, зыян күрүчеләр юк. Район эчке эшләр бүлеге хезмәткәрләре аны Сарман районының Рантамак авылы янына җитәрәк тоткарлаган.
Әлеге хатын - Сарман районыныкы, ике баласы бар, кияүдә түгел. Әлеге адымга акчасызлык этәрде дигән. Бүгенге көндә тикшерү эше бара.