Мөслим районы Иске Карамалы авылында газ шартлаган - видео
Сирень Сабитов беркайда да эшләмәгән.
Бүген Мөслим районы Иске Карамалы авылында газ шартлаган. Мэш-иптеш каналы шартлау мизгеленең видеосын куйган.
48 яшьлек Сирень Сабитов үзе генә яшәгән, 30 ел беркайда да эшләми, эчә, дип язалар. Түләмәү сәбәпле, аның өен газдан өзеп куйган булганнар, ул баллон кулланган. Ул ике өлештән торган йортның бер ягында яшәгән, икенче ягында бер гаилә булган.
Төш вакытында ул ашарга пешерергә дип шырпы кабыза һәм шул вакытта газ шартлый. Йортның бер ягы җимерелеп бетә, күршеләренең стеналары чатный. Күршеләре бу вакытта урамда йөргән була.
Янгын сүндерүчеләр тиз килеп җитә, утны сүндерәләр, Сирень Сабитовны алып чыгалар, Чаллыдагы ашыгыч ярдәм хастаханәсенә озаталар.
Газ баллоны 50 литрлы булган. Йортның түшәме, өлешчә стеналары ишелгән.
