Мәскәү өлкәсендә күп катлы йортта шартлау вакытында ике кеше үлгән

Мәскәү өлкәсендәге Химки шәһәрендә тугыз катлы йортның сигезенче катындагы фатирда газ шартлаган. Ике кеше һәлак булган, тагын җиде кеше имгәнгән. Бу турыда РИА Новости экстрен хезмәтләрдәге чыганагына сылтама белән хәбәр итте.

Якынча белешмә буенча, фатирда газ шартлагач стеналар ишелгән. Башта ир-ат мәете һәм исән бала табылган. Аннары икенче баланы тапканнар, ул аңсыз булган.

«Химкида шартлау нәтиҗәсендә дүрт кеше имгәнде, аларның икесе урында һәлак булды», — дигән агентлык чыганагы.

Мәрхүмнәрнең берсе 3 яшьлек бала, имгәнгән балаларның берсе 12 яшьлек үсмер.

Шартлаудан соң, 12 квадрат метр мәйданда янгын булган. Якынча белешмә буенча, газ җиһазлары ватык булу, яки газ чыгып тору аркасында фаҗига килеп чыгу ихтимал.

Сигезенче һәм тугызынчы катлар арасында стеналар ишелгән, шартлау дулкыны өч фатирда тәрәзләрне ватып төшергән, дип хәбәр итте «Вести» каналы.