Мәскәүдә күмәкләшеп сугышкан һәм кафега һөҗүм ясаган 25 кеше тоткарланган
Әлеге фактлар буенча җинаять эше кузгатылган.
Мәскәүдә полиция 25тән артык кешене тоткарлаган. Бу хакта Россия Эчке эшләр министрлыгының Мәскәү шәһәре буенча баш идарәсенә сылтама белән РЕН ТВ хәбәр итә.
Ведомство мәгълүматлары буенча, 24 июль төнендә Мәскәүдә күмәкләшеп сугышканнар. Билгесез затлар ир-атка һөҗүм иткән, аны кыйнаган һәм ул утырган автомобильгә зыян салган. Низагта 20-30 кеше катнашкан.
Тагын бер вакыйга Мәскәүдә «1001 төн» ресторанында булган. Кораллы бандитлар ресторанга бәреп кергән. Персоналга һәм килүчеләргә янап, кассадан 50 мең сум акча урлаган. Аннары алар чыгып качкан.
Әлеге фактлар буенча җинаять эше кузгатылган.