Мәскәүдә 23 кеше аппараттан алынган ризык ашап агуланган
Мәскәүдә 23 кеше аппараттан алынган ризык ашап агуланган
Мәскәү хастаханәләренә агуланган 23 кеше китерелгән. Аларның барысы да вендинг аппаратларыннан ризык алып ашаган (андый аппаратлар урамнарда, сәүдә үзәкләрендә, вокзалларда урнаштырылган, алардан әзер бутербродлар, салатлар сатып алып була).
Бу хәбәрне Мәскәү сәламәтлек саклау департаменты белгече Светлана Сметанина гаммәви мәгълүмат чараларына җиткергән.
"Хәзерге вакытта шәһәр стационарларында 21 пациент ята, аларның барысына да "кискен эчәк инфекциясе" диагнозы куелды, бу пациентлар авыруларын вендинг аппаратыннан алынган ризык ашау белән бәйли", - дип сөйләгән ул.
Роспотребнадзор әлеге хәлне тикшерә башлаган.
