"Мәсхәрә": Иркәне Мәскәү артисты белән төшкән фотосы өчен тәнкыйтьлиләр
Җырчы Иркә туксанынчы елларда Россия эстрадасын тоткан тешсез артист белән төшкән фотосын инстаграмга куйды.
Җырчы Иркә узган гасыр азагында җәнҗаллы кыяфәте белән дан казанган артист Шура белән очрашкан. «Менә кем белән очраштым бит», дип язган ул фото янына.
Инстачылар исә тәнкыйтьләп язганнар. «Иркә, Башкортстанны һәм Татарстанны бу кеше белән мыскыл итмә», «Бу мәсхәрә белән очрашуның ни кызыгы. Мәскәү тилеләрен зинһар күрсәтмә», дип әйтәләр.
Шулай да Александр Медведев — Шура җырларын тыңлаучылар, аны яратучылар да бар. «Отшумели летние дожди» җырын да искә алганнар.
