Мөнир Рахмаевка инстачылар: «Бу кызуда баласы памперстан, аның каравы, хатыны шәрә»
Җырчыны 35 градус эсседә баласын памперс белән йөрткәнгә ачуланалар.
«Бу эсседә кем кайда ял итә? Без хатыным Илсөяр һәм кызыбыз белән бассейнда коенабыз, шәхси йортыбыз янында кызынабыз», — дип язган җырчы Мөнир Рахмаев инстаграмга. Гаиләсенең шәп ялын фотолар куеп күрсәткән.
Инстачылар шушы кызуда нәни Асмираның памперстан булуына игътибар иткән. «Нигә кидердегез ул балага памперс?», «Шушы эсседә нигә салдырмыйсыз кызыгызның памперсын?» — дип язганнар.
«Аның каравы, хатыны шәрә», — дип язган икенче инстачы, бикини су коену костюмы белән басып торучы Илсөяргә ишарәләп.
«Әйтмәгез дә. Бераз тыйнаграк булса да ярар иде. Шул дәрәҗәдә үзен күрсәтә», — дип, аны җөпләүчесе табылган.
«Бик матурлар», «Кызлары бигрәк сөйкемле. Күз тимәсә ярар иде», — дип борчылучылар да бар.