Мөнир Рахмаев яңа машинасын күрсәтте
Җырчы, традицияләренә тугры калып, тагын "Порше" сатып алган.
Җырчы Мөнир Рахмаев яңа машина алган. «Порше Кайен» — гаиләбезгә рәхим ит», — дип яза ул текә машинасын күрсәтеп.
Мөнир Рахмаевның алдагы машинасы да шушы ук маркалы иде. «Машина ул — хәрәкәт чарасы, ләкин ул яхшы класслы булырга тиеш. Чөнки эш вакытында статуслы кешеләр белән аралашырга, күрешергә туры килә. Мин традицияләремә тугры. „Порше“ бик ошый, шуңа инде бишенче ел шул машинада йөрим. „Порше“ — яшьләр машинасы, ул брутальлек, анда ниндидер шарм бар», — дип сөйләгән иде Мөнир Рахмаев «Интертат»ка.
Инстаграм дуслары җырчыга яңа машинасы белән исән-сау йөрүен теләгән.
«Вәт байлар сез!», «Бомба, шәп! Котлыйм. Мин бу тормышта һөнәрне дөрес сайламаганмын икән», — дип язучылар да бар.
«Порше» машинасы 9-12 млн сум тирәсе тора.
