Мәктәпне бетергәндә бала нинди авырулар алып чыга?

10-11 сыйныф укучылары мәктәптән күп очракта нерв системасына бәйле булган проблемалар белән чыга. Бу хакта Балаларны илкүләм медицина тикшеренү үзәгенең фәнни эшләр буенча директор урынбасары, профессор Владислав Кучма Казан дәүләт медицина университетында әңгәмә барышында әйтте, дип яза "Татар-информ".

“Беренче урында нерв системасы һәм психологик өлкә, аннан терәк-хәрәкәт аппараты һәм өченче урында  йөрәк-кан тамырлары патологиясе тора. Күз күреме проблемасы да бар. Хроник авыруларга ашказаны авырулары керә”, - дигән белгеч.