Мәктәп каникуллары кайчан башлана?
Көзге каникуллар җиде, ә кышкы каникуллар 14 көн булачак.
Татарстанның Мәгариф һәм фән министрлыгы 2018-2019 уку елында көзге, кышкы һәм язгы мәктәп каникулларының вакытын билгеләде.
“Төрле уку оешмаларында көзге каникуллар төрле вакытта уза. Мондый тәңгәлсезлекнең сәбәбе - һәр мәктәпткә кабул ителгән уку процессы”, - диделәр министрлыкның матбугат хезмәтендә.
Министрлык тәкъдимнәре буенча, көзге каникуллар 31 октябрьдән 6 ноябрьгә кадәр (җиде көн), кышкы яллар – 2018 елның 26 декабреннән 2019 елның 8 гыйнварына кадәр (14 көн), ә язгы каникуллар 2019 елның 23-31 март көннәрендә (тугыз көн) булачак.
Моннан тыш, беренче класс укучылары өчен 11-17 февраль көннәрендә өстәмә бер атна ял оештырыла.
“Җәйге каникуллар башлануы белем бирү оешмасының еллык уку графигы нигезендә билгеләнә. Министрлык тәкъдимен күздә тотып оештыруны яки башка сроклар билгеләүне белем бирү оешмасы уку-укыту программасын раслаганда билгели”, - диелә Татарстанның Мәгариф һәм фән министрылыгы хәбәрендә.