Мәдәният йорты хезмәткәре "Нардуган" ансамбленең аппаратурасын урлаган

Тикшерүчеләр бу егет Түбән Камадагы Мәдәният йорты складыннан аппаратураны алып чыккан дип фаразлый. Җинаять вакытында ул сакчы булып эшләгән. 

НТР24 телеканалы хәбәр иткәнчә, урланган әйберләрнең бәясе 190 мең сум дип исәпләнә. Алар барысы да "Нардуган" ансамбленеке булган.

Карак әйберләрнең бер өлешен интернет аша саткан, калганнарын комиссион кибетләргә биргән. Җинаять эше ачылган.