Мәҗбүри вакцинациягә каршы чыгыш ясаучы коммунист ковидтан вафат булган
«Авыр ковид инфекциясе җитди катлауланулар барлыкка китерде, организм аларны җиңә алмады», — дип хәбәр иткән Ярославль Сәламәтлек саклау департаменты.
КПРФның Ярославль төбәк фракциясенең беренче секретаре Александр Воробьев 72 яшендә ковидтан вафат булган. Ул партиядәшләре белән бергә вакцинациягә каршы чыгыш ясаган иде. Бу турыда РЕН ТВ хәбәр итте.
«Кызганычка каршы, сугыш ветераннары госпитале табибларының тырышлыгына карамастан, Александр Васильевич Воробьевны коткарып булмады. Авыр ковид инфекциясе җитди катлауланулар барлыкка китерде, организм аларны җиңә алмады», — дип хәбәр иткән Ярославль Сәламәтлек саклау департаменты.
Биредәге матбугат чаралары белешмәсе буенча, Александр Воробьев мәҗбүри вакцинациягә катгый каршы чыгыш ясый, пикетларга чыга.
