М-5 «Урал» трассасында фура белән авариядә өч кеше үлгән
Фаҗига Сызрань районында булган.
Самара өлкәсендә М-5 «Урал» трассаның 937 нче километрында Сызрань районында юл фаҗигасендә өч кеше үлгән, тагын бер кеше имгәнгән. Бу турыда РЕН ТВ Эчке эшләр министрлыгына сылтама белән хәбәр итте.
DAF йөк машинасы ВАЗ-2104 җиңел автомобиле белән бәрелешә. Фаҗига 5 мартта 14 30 сәгать тирәсендә була.
Якынча белешмә буенча, ВАЗ-2104 машинасын йөртүче алдагы автомобильне узарга чыга. Юл шартлары катлаулы булу сәбәпле, ул идарәсен югалта. Шулай итеп җиңел машина каршыга килә торган DAF йөк машинасына бәрелә.
Авариядә җиңел машинаның йөртүчесе, салондагы пассажиры табиблар килеп җиткәнче үк үлә. Аннары тагын бер кеше үлеме турында билгеле була. Җиңел машинадагы тагын бер пассажир имгәнә, диелә хәбәрдә.