Бүген Белоруссиядә президент сайладылар. 5 кандидат булса да, җиденче тапкыр президентлыкка баручы Александр Лукашенконың җиңәчәге көн кебек ачык иде. Һәм менә беренче экзит-пул нәтиҗәләре игълан ителде: Лукашенко өчен 87,6 процент тавыш биргәннәр.
Лукашенконың журналистлар белән очрашуда әйткән сүзләре:
– Кайбер илләрдә хакимиятне тәнкыйть итмиләр. Күнегә торыгыз.
Польша журналистына:
– Нигә сез Путинны тарткалыйсыз? Бүтән эшегез юкмы әллә?
– Көнбатыш Украина – Украина булып калачак. Шулай ук Көнбатыш Белоруссия дә – Белоруссия булып калачак.
Польша журналистына:
– Безнең сезгә һөҗүм итәргә бернинди теләгебез юк. Онытыгыз. Танклар сатып алмагыз, тракторлар сатып алыгыз. Сезнең фермерларыгыз инде министрлыкка тирес ата.
– Россия беркайчан да Кырымны Украинага кайтармаячак.
– АКШ Россия халкы һәм президенты теләкләрен канәгатьләндерүгә бармаячак, әмма Трамп логик булмаган карарга барырга мөмкин.
– Президент – хатын-кыз эше түгел. Мин хатын-кызга президент эшен йөкләүгә каршы, хатын-кыз диктатор була алмый.
– Без Путин белән Россия һәм Белоруссияне берләштерү турында сөйләшмәдек.
– Минем бу сайлауга барасым килмәгән иде.
