«Үлсәң иде!»: Казанда авариядә үлгән кызның туганнары машина йөртүчене каргый
Мәрхүмә кызның туганнары машина йөртүчегә карата суд процессын күчерү белән килешми.
Казанда авариядә үлгән 18 яшьлек кызның туганнары Идел буе районы судына килгәч, машина йөртүчене ботарлап ташлый язган. Мәрхүмә кызның әти-әнисе ачуы чыкканны яшереп тора алмый. «Үлсәң иде!» — дип кычкырды ана кеше Смирновка. Бу турыда «Татар-информ» хәбәр итте.
45 яшьлек Артур Смирнов 2019 елның 1 маенда «КИА» машинасы белән идарә итә. Мәүлетов урамы һәм Җиңү проспекты чатында «КИА» светофорның кызыл төсенә чыга һәм ике кешене бәрдерә. Иномарка таптаган 54 яшьлек хатын исән кала, 18 яшьлек кыз үлә.
Иномарка авария урыныннан качып китә. ЮХИДИ бу машинаны дүрт сәгать эчендә эзләп таба. Артур Смирнов машинасын Бакый Урманчы урамында ташлап киткән була.
30 гыйнварда суд башланырга тиеш иде. Ләкин Смирновның адвокаты алмашыну, яңасы эшне өйрәнү өчен вакыт сорау сәбәпле, судны кичектерделәр.
Суд Смирновны кулга алды һәм СИЗОга озатты.
