Лотереяда 50 миллион сум откан Казан кешесен эзлиләр
Бу кеше билетны 100 сумга сатып алган булган.
«Спортлото» 50 миллион сум акча откан Казан кешесен эзли, дип хәбәр итә РИА Новости.
6 августта суперприз — 50 миллион сум уйнатылган. Аны Казанда яшәүче кеше откан. Әмма аның исеме әлегә билгесез, чөнки ул отышны алырга килмәгән. Бу кешенең 100 сумлык билетны Казанда сатып алганы гына билгеле.
5 июльдә 512 миллион сумны Сахалиннан Анатолий Ким исемле кеше откан иде. 28 июльдә Оренбург кешесе 55 милллион сум отты.
Суперприз оту өчен билетның ике битендәге дә комбинацияләрне белергә кирәк. Бу кеше 19, 11, 17, 7 һәм 4, 8, 12, 3 саннарын дөрес белә алган.
