Әлмәттә яшәүче блогер Айназ Габидуллина туй көнендә иренең борынын тешләгән
Ирле-хатынлы блогерлар туй видеосын куйган.
Әлмәттә яшәүче ирле-хатынлы блогерлар Айназ һәм Айдар Габидуллиннарның гаилә коруларына 7 ел булган. Шул уңайдан алар туй видеосын куйган. Анда кәләш шаярып кияүнең борынын тешләп ала.
«Ул вакытта да хулиганка булгансың икән», — дип комментарий калдырган Айназның дусты.
«7 ел элек. Татлы хатирәләр. Үзгәрдек бу вакыт эчендә, төрле чак булды. Барысы өчен дә рәхмәтлемен! Сынаулар безне тагын да якынайтыр өчен кирәк булган», — дип язган блогер.
Блогерлар гаиләсен яратып караучылар аларны туй көннәре белән котлап, матур теләкләр калдырган.